NAPAPAILING na pinunasan ni Charlie ang luha niya. Luha na puno ng pagkukunwari. Hindi pa naman siya nababaliw para magalit ng ganito dahil may lalaki ito. Wala na sa plano niya ang iyakan ang kanyang asawa dahil sa ngayon ang nararamdaman niya ay poot na ito ang naging asawa niya. Gusto niya nang tuluyan na mawala sa kanyang buhay si Joebbie at unti-unti na iyong natutupad.
“Pa?” tawag sa kanya ni Isabel. Alam niyang sinundan siya nito sa garden kaya bigla na naman nagbago ang kanyang mukha at nagkunwari na parang naiiyak muli.
“I’m sorry…Hindi ko sinasadyang saktan ang Mama ninyo,” wika niya pa kay Isabel. “Hindi ko lang matanggap ang ginawa niya,” sagot niyang kunwari ay malungkot. Tumabi sa upuan niya si Isabel. Huminga ito ng malalim bago nagsalita. Alam niyang nakuha niya ang loob
