NAPABUNTONG-HININGA na lamang si Joebbie nang makitang wala ng stocks ng pagkain at groceries. Ang masakit kahit peso ay wala man lang iniwan si Charlie sa kanya. Kahit kape nga ay wala siyang maibigay sa kapatid niya. Napatingin siya sa lagayan ng bigasan. Napangiwi siya nang makitang wala ring bigas. Maging ang water dispenser ay walang laman. Bigla siyang nakaramdam ng panic. Mukhang sinadya ni Charlie ang lahat dahil inalis nito ang mga bata. Mukhang gusto siya nitong patayin sa gutom.
Napakagat-labi na lamang siya sa kanyang sitwasyon. Gusto niya na lamang maiyak. Hindi niya mapigilang hindi maawa sa kanyang sarili. Ang tanging laman nalang ng freezer ay ang sauce ng spaghetti na niluto niya ng isang linggo at mukhang yun ang kakainin niya sa loob ng tatlong araw.
Mabilis siyang pum
