Chapter 34: Batang Babae
Nanatiling wala kaming matibay na plano upang mapigilan ang kriminal na 'yon. Mabilis ang naging pag-alsa balutan na ginawa nila Mama at Papa upang lumipat muna sa bahay nina Lolo. Doon mas ligtas sila dahil hindi madaling matunton.
"Bakit hindi ka nag-impake anak?" Nakakunot noong tanong ni Mama sa akin.
Tiningnan ko lang siya ng seryoso. Ang lungkot ng kanyang mukha at lubha itong nag-aalala.
"Ma, hindi na muna ako sasama sa bahay ni Lolo, Ma. Kapag nandoon ako ay siguradong malalaman at malalaman iyon ng kriminal. Ayokong madamay kayo ni Papa." Parang may bumara sa aking lalamunan habang sambit-sambit ang mga salitang 'yon. Kailangan kong maging matatag para sa kanila at para matapos na itong kaguluhan na ito.
"Ano ang ibig mong sabihin Gab? Dito ka lan
