CHAPTER 9
Isinuot ko ang ibinigay sa akin na damit ng pulis. May kaluwangang t-shirt at short. Inihatid ako sa kulungan sa mismong presinto. May mga naabutan na ako roon na nakahiga lang sa sahig at natutulog. Para silang sardinas. Mainit. Mabaho. Umupo ako sa gilid. Pasalampak.
Masakit ang buo kong katawan at mukha. Pinagsaklob ko ang aking mga kamay. Nagdasal ako sa Diyos na sana malagpasan ko ang lahat ng ito. Na sana lalabas ang katotohanan na hindi ko hinalay si Eldrin. Oo naghalikan kami ngunit hanggang do’n lang iyon. Hindi totoo ang ipinaparatang sa akin ng Papa niya. Alam kong personal na galit sa pamilya ko ang pinag-uugatan nito at kailangan kong malaman kay Papa kung anong nangyari. Sa ngayon, kailangan kong makalaya. Kailangan kong mapatunayan na wala ako
