Chapter 41
Alexander
Hindi ko inaasahan na makakasabay ko ang pinsan ko na si Rafael sa bangka na sinasakyan ko papuntang Cordoba. Akala ko nga nang una hindi siya.
"Rafael, anong nangyari sa'yo?" Nagtataka kong tanong sa kaniya. May tungkod siya at nakasalamin.
Marahil inaaninag niya pa ang boses ko. Matagal din kami na hindi nagkita kahit na iisang lugar lang kami. Malawak din kasi ang Las Palmas at ang alam namin nasa Amerika siya.
"Xander, ikaw ba 'yan?" naninigurado niyang tanong. Katabi niya ang isang lalake.
"Oo, bulag ka ba? Bakit may tungkod ka?" nag-aalala kong tugon sa kaniya.
"Hindi mo ba nabalitaan ang nangyari sa akin? Isang taon na akong bulag. Wala bang nagbalita sa inyo sa nangyari sa akin?" tanong niya sa akin na siyang pinagtataka ko.
"Wala, kahit si Mommy hindi
