“T-Tito… what to do?” nag-aalalang tanong ni Elli kay Nico. Panay ang palipat-lipat ng tingin nila sa papalapit na mga zombie at sa zombie na nasa harapan nila. Mahigpit niyang hinawakan si Tj sa palapulsuhan. Panay ang pagbuntong hininga niya dahil sa sobrang bilis ng pagtibok ng kanyang puso.
Panay naman ang lunok ni Nico pinagpapalit-palit ang tingin sa mga nilalang. Maya-maya pa ay lahat sila napasinghap nang tumingin sa direksyon nila ang mga zombie na nasa kanto.
“Pag sinabi kong takbo, takbo. Okay?” mahinang sabi ni Nico.
“s**t! Takbo!” sigaw ni Edison.
Mabilis na kinabig ni Nico sila Elli patakbo papasok sa bakuran ng simbahan. Walang lingon likod namang hinila ni Elli ang kanyang kapatid kahit na halos magkanda dapa-dapa na ito. Hindi niya ito binitawan at mahigpait lamang
