“Kim!”
Natauhan lamang si Kim noong mayroong tumawag sa kanya. Hindi niya maialis ang kanyang tingin kina Peter at m*******e na ngayon ay pinagpe-pyestahan na ng mga zombie. Gusto niyang tulungan ang dalawa ngunit para bang biglang tinubuan ng ugat ang kanyang mga paa at hindi niya iyon maihakbang.
“Halika na!” tawag muli ni Jaypee kay Kim.
Nanginginig pa ang buong katawan ni Kim at nangingilid ang mga luha na tumakbo papalapit kay Jaypee. Pilit niyang iwinawaksi ang nasaksihan niyang nangyari kina Peter at m*******e. Hindi niya maiwasang manlumo para sa dalawa. Mabilis niyang pinahid ang luha sa kanyang mga mata at sumunod sa kanilang mga kasama.
Habang tumatakbo sila ay panay ang iwas nila sa mga nagkalat na mga paninda. Mayroon ding mga panaka-nakang mga zombie na nasugod sa kan
