“Ahh!” malakas na tili ni Selena nang makita niya ang dalawang zombie sa kanilang harapan. Nasa loob iyon ng isa pang silid kung saan nakapwesto ang mga teller ng remittance center. Paulit-ulit nilang kinakalampag ang salamin na harang.
Mabilis na tinakpan ni Linda ang bibig ni Selena at niyakap ito para hindi nito makita ang mga nilalang. Kahindik-hindik kasi ang hitsura ng mga ito. Bagamat walang nawawalang parte ng mga katawan nito ay na aagnas naman ang mga hitsura nito.
Mabuti na lamang at mayroong harang ang pagitan ng mga teller sa customer kaya hindi sila na susugod ng mga ito. Tanging pagkalampag lamang sa salamin na dingding ang nagagawa nila.
“Sssh… Okay lang ‘yan. Nasa loob sila. Hindi nila tayo maabot,” pagpapakalma ni Jose sa kanyang mga kasama. Nakataas ang kanyang kama
