The night of the invasion
“Jose?!” Biglang nabuhayan si Bruno nang mapagsino niya ang lalaking nagmamaneho ng truck ng bumbero. Kumakaway ito sa kanila at mayroong sinisigaw ngunit hindi niya maunawaan iyon.
“Bruno! Tabi!” Tulong-tulong na iginilid nila Nico si Bruno sa gilid ng kalsada para makadaan ng maayos ang truck.
Walang humpay naman sa pagsaboy ng tubig ang lalaking nasa itaas ng truck para mabasa ang mga zombie na nasa ibaba. Hindi maiwasang mamangha ni El sa kanyang nakikita, ang mga zombie na dadapuan ng tubig ay biglang nangingisay. Para silang sinabuyan ng asido dahil umuusok ang kanilang katawan.
‘They’re afraid of water!’
Pinagulungan ni Jose ang mga zombie na nadaanan niya. Nagtalsikan kila Nico ang mga dugo ng mga zombie, mabuti na lamang ay nababasa rin sila ng
