3 hours before the invasion
Nagising si Jose na madilim ang paligid. Nananakit din ang kanyang batok na hinampas ng kung ano kanina. Pilit niyang ginalaw ang kanyang kamay ngunit hindi niya ito mai-angat. Sinubukan din niyang magsalita ngunit walang tinig na lumalabas sa kanyang bibig.
Sa kanyang hinuha ay nakaupo siya sa isang upuan ngunit hindi niya maigalaw ang mga parte ng kanyang katawan.
‘Ano’ng nangyari? Nakatali ba ako?’
Muli niyang inalala ang nangyari kanina. Nakapasok siya sa isang fire station at mayroon siyang nakitang babae sa loob ng banyo. Napaungol siya nang maalala niya ang babae kanina at kung sino man ang pumalo sa kanya. Pilit niyang iginalaw ang kanyang katawan para makalikha ng ingay. Ngunit dahil sa pagpupumilit niyang makawala ay biglang gumewang ang inuupu
