“Kailangan na nating umalis,” nag-aalalang sabi ni Edison. Tiningnan niya sa kabilang gilid nila. Masyadong matarik na ang sunod na building at kahit gamitan ng hagdan ay mahihirapan pa rin sila, idagdag pang pa-slant ang bubong n’yon. Naglakad siya papunta sa likod ng building. “Dito tayo,” aniya.
Mababa lang ng kaunti ang nasa likod na building at kaya nilang talunin na mga matatanda. Napatingin siya bigla sa pinto na malapit sa kanya noong makarinig siya ng mga mabibigat na yabag. Mabibilis iyon at tila pa ay nag-uunahan sa pag-akyat.
“Bilisan niyo na! Andyan na sila!” tawag niya sa kanyang mga kasama.
Nagmamadali namang naglakad palapit sa kanya ang mga kasama niya. Hawak-hawak ni Josephine ang dalawang bata kanyang mga kamay. Si Elli naman ay inalalayan ni Nico dahil patuloy pa r
