“Malcolm!” Pumailanlang ang malakas na boses ni Elli sa buong paligid. Halos mahigit niya ang kanyang hininga noong makita niyang bumagsak mula sa bubong papunta sa kalsada si Malcolm.
Sinuwerte namang nakakapit ang isang kamay ni Jose sa maliit na poste ng establisyimentong kanilang kinatutungtungan kaya hindi ito nahulog sa ibaba.
“Jose! Diyos ko!” natatarantang tawag ni Josephine kay Jose. Hindi niya alam kung paano ito aabutin dahil sa pa-slant na bubong.
“D’yan ka lang!” nahihirapang sabi ni Jose. Muli niya munang tinapunan ng tingin si Malcolm na nasa ibaba na ng kalsada. Napapikit siya ng mariin nang makita niya ang kalagayan nito. Nakadapa ito sa kalsada at wala nang malay, mayroon na ring tumutulong dugo mula sa ulo nito. Lihim siyang napamura saka muling ibinalik ang tingin
