Pilit na iminulat ni Elli ang kanyang mga mata. Matinding sakit ng ulo ang kanyang nararamdaman. Pakiramdam niya ay isang mabigat na bola ang kanyang ulo. Noong naimulat niya ang kanyang mga mata ay una niyang nakita ang langit at ang mga pang papalapit sa kanila. Muli niyang ipinikit ang kanyang mga mata dahil para siyang hinihila ng antok.
Noong muli niyang iminulat ang kanyang mga mata ay kadiliman ang sumalubong sa kanya. Kaya naman ay muli niya itong ipinikit. Mayroon siyang mga naririnig na boses ngunit hindi niya iyon maintindihan. Hindi niya alam kung ano ang nangyayari sa kanila ngunit palagi siya tinatalo ng kanyang antok.
“Elli? Elli?”
Unti-unting iminulat ni Elli ang kanyang mga mata. Bumungad sa kanya ang nag-aalalang mukha ni Nico. Noong makita nitong gising na siya ay n
