8:50 AM, the first day before the bombing.
Sunod-sunod ang ginawang pagmura ni Jose nang bumagsak na si Joseph sa mga zombies. Agad niyang kinuha ang hose sa ibaba at binuksan iyon. Sinabuyan niya kaagad ang mga zombie na nakakapit kay Joseph.
“Jaypee! Galaw!”
Para namang nagising si Jaypee sa tawag ni Jose. “Si Joseph?!” Nagpalinga-linga ito.
“Kuhain mo yung isang hose at buksan mo na!” utos niya lang dito at pinaliguan ang mga zombie na sa banda niya. Ganoon din ang ginawa ni Jaypee sa kabilang side ng truck.
Agad na nagpulasan ang mga zombie sa gilid habang nangingisay-ngisay. Umakyat pa si Jose sa may itaas ng ulo ng truck at sinabuyan ng tubig ang mga zombie na nagpupumilit sa pag-akyat para makapasok kina Nico. Hindi niya rin pinalagpas ang mga zombie na papalapit sa kanil
