8:30 AM, the first day before the bombing.
“What should we do?” kinakabahang tanong ni El nang makita niya ang mga zombie sa kanilang unahan. Malayo pa sila roon kaya hindi sila nakikita ng mga ito. Unti-unti na naman siyang nakakaramdam ng pagbigat ng kanyang hininga. Ngunit sinusubukan niyang kontroling ang kanyang emosyon.
“Dito ka, El. H’wag kang mag-alala. Ililigtas kita. Kapag nakapasok sila sa atin, h’wag na h’wag kang lalabas sa ilalim ng upuan, okay?” nanginginig na ang boses na sabi naman ni Josephine. Hinatak niya pa si El papalapit sa kanya.
“Sshh. Malalagpasan natin sila,” turan ni Nico. Inilabas niya ang kanyang kamay at bahagyang tinapik ang bubuong ng truck. Mahina lamang at sakto lang para makuha ang atensyon nila Jose. “Nakikita niyo ba?”
“Oo, pre,” sagot ni Jo
