“s**t!” Napamura si Edison nang biglang mayroong dumamba sa kanyang na aagnas na nilalang. Dahil sa gulat ay nawalan siya ng balanse kaya naman ay tuloy-tuloy siya na bumagsak sa sahig. Napaigik siya sa sakit nang humampas ang likod niya sa malamig na tiles.
“Ano ‘yon?!” nanlalaki ang mga mata ni Jaypee nang makita niya ang isang babaeng zombie mula sa pintong binuksan ni Jaypee. Panay ang angil n’yon habang nanlilisik ang puting mga mata nito na nakatingin sa kanila.
Mabilis na hinila ni Nico si Edison nang tumalon pababa ang zombie. Halos magkalasog-lasog ang katawan nito nang bumagsak iyon sa sahig. Ngunit nakatayo pa rin ito habang panay ang angil. Mabilis itong kumilos upang sugurin sila Nico.
Ngunit mas naging maliksi si Nico. Binitawan niya muna si Edison at malakas na sinipa a
