Chapter 26
Dumating ang Linggo. Ginanap ang munting salu-salo na inihanda nina Ayehsa at Joe para sa mga kamag-anak nito. Naging masaya at makabuluhan ang araw na iyon.
Hinalikan si Ayesha ng mga kamag-anak ni Joe nang magpaalam ang mga ito pagkatapos ng barbecue party sa harap ng villa. “Sana maulit ito,” sabi ng mga ito bago tuluyang umalis.
Pasado alas-otso na ng gabi at kalahating oras na ring nagretiro sina Lola Senyang at ang limang “in-house” lola dahil napagod nang husto ang mga ito sa instant reunion na nangyari nang hapong iyon.
“Naku, sigurado hong may kasunod ito,” ani Ayehsa at nakipagbeso sa mga nagpapaalam. Nakipagkamay naman siya sa mga kalalakihan. Hindi rin siya tumanggi nang magmano ang mga bata sa kaniya, sa katunayan ay pinag-bake pa niya ng mga co
