WALANG KIBO si Gianna habang nililinis ang sugat ni Arisia. Nakakunot ang noo nya habang ginagawa ito. Paminsan-minsan din nyang hinihipan iyon dahil napapadaing si Arisia.
Nang mapalitan ng gasa ang sugat, nilapag nya ang first aid kit sa lamesita. Huminga sya nang malalim bago sinalubong ang tingin ng kasintahan na kaagad namang nag-iwas ng tingin.
Pinagmasdan nya ang mukha nito. Ganoon pa rin. Maganda pa rin si Arisia pero tila wala pa itong tulog. Kanina nang makita nya dumudugo ang braso nito ay labis syang nag-alala. Kaagad nya itong pinapasok sa loob ng kanyang unit at nilinis ito.
"U-uuwi na ako," ani Arisia dahilan upang tumaas ang kanyang kilay. "B-bakit?" tanong pa nito.
Sumandal sya sa sofa saka tiningnan ang braso nito. Labis pa rin syang nag-aalala at kanina pa nya iniisi
