"Hija! Sumunod ka sa akin at dadalhin kita sa kwarto ni boss Zack, dahil iyon ang una mong lilinisan," saad niya sa akin.
Ngumiti muna ako rito. "Manang Rose, ano po ba ang mga gagawin ko rito sa bahay ni boss Zach?" tanong ko sa matanda.
"Maglilinis ka ng kuwarto, maglalaba ng damit ni boss. At iyong iba ay siya na ang bahala sa 'yong magsabi, hija. Alam kong sasabihin din iyon. Medyo busy lang siya ngayon araw, kaya ako muna ang bahala sa 'yo," anas nito sa akin.
"Ay! Ganoon po ba. Sige po at ako na ang bahalang magtanong sa kanya," sagot ko ritong may pag-galang.
Hindi naman nagtagal ay nakarating kami sa harap ng pinto. Agad namang binuksan ni Mang Rose at tuluyang akong pinapasok sa loob. Hindi na rin ito pumasok sa loob, ako na lang daw ang bahala. Lalo at mayroon pa raw itong ga
