Hindi na nagtanong pa si Mommy at Tita Linda kay Qino. Mukhang naging sapat na iyong isinagot niya para maiba na ang usapan. Wala naman akong nakitang pagtataka o pagdududa kay Tita Linda. Wala sa mukha niya na may ideya siya na ako ang tinutukoy ni Qino.
Ngunit si Mommy? Alam kong mayroon. Ayaw na lang muna siguro niya iyong pagtuonan ng pansin sa ngayon dahil may iba kaming kasama dito sa mesa. Pero kung makakakuha siguro siya ng pagkakataon, alam kong mag-uusisa siya at magtatanong.
"Mom, puntahan muna namin sina Rion," biglang paalam ni Qino saka na tumayo. "And Aisla's friends were also there."
Pilit akong ngumiti sa mga kasama namin sa mesa at atubiling tumayo. Nagpaalam na rin ako sa kanila.
"Do you think Mom will accept me as your girlfriend?" Wala sa loob na tanong ko habang p
