Akala ba niya ay madali lang ang gusto niya? Well, siguro para sa kanya ubod lang ng dali dahil hindi naman siya natatakot. Hindi siya nangangamba dahil totoong parte siya ng pamilyang Fontanilla. Eh, paano naman ako na ampon lang? Baka sa puntong bumalik ako sa kanya at malaman ulit ng lahat, kalimutan na nila na naging parte ako ng pamilyang ito.
Baka ipagtabuyan na nila ako palayo. Baka isipin nila na bumalik ako para gumawa na naman ng eskandalo at sabihin nila na inilalagay ko na naman sa kahihiyan ang pamilya nila.
Ang mahirap kasi kay Qino, hindi niya naiisip 'yong mga posibilidad na pwedeng mangyari, eh. Parang hindi niya inaalala 'yong side ko. Hindi niya iniintindi ang kapakanan ko basta makuha lang ang gusto. Pero at least, alam niyang hindi pa kami. Alam niya sa sarili niya n
