Hindi lang si Rion ang dumating sa mga pinsan ko dito sa bahay. Halos silang lahat ay nandito para ipaalala iyong tungkol sa pagpunta namin sa Seventh Street. Akala yata nila ay nakalimutan namin ang tungkol do'n. Nadatnan pa nila sina Terrence at ang mga kaibigan niya. Nasabi rin nila sa kanila ang lakad namin ngayong gabi at inanyayahan sila na hindi naman nila tinanggihan. Ipinaalala pa nila sa akin iyong pangako ko na ililibre ko sila kapag nagpunta sila dito.
Napag-usapan na rin namin ang tungkol sa plano sa birthday ko. Nakapagpa-book na pala ang mga magulang ko sa Al Fresco Resort kahit medyo malayo pa ang kaarawan ko.
Dinaluhan na rin kami nila Qino at Rion dito sa sala. Nakikipag-usap naman si Rion sa mga bisita habang si Qino ay pinanatiling tikom ang bibig na mas gusto ko. Kay
