Hindi ko magawang lumunok nang matiwasay dahil sa malakas na pagkabog ng dibdib ko. Panay rin ang sulyap ko sa tatay ko na maayos namang nakakakain. Pati si Qino at Terrence ay normal lang na sumusubo ng pagkain nila. Actually, nagku-kwentuhan pa nga silang tatlo tungkol sa trabaho ni Qino. Ako lang yata ang kinakabahan dito sa ngayon.
Kanina ko pa rin hinihintay ang mga sasabihin at tanong ni Dada ngunit malapit na kaming matapos dito, hindi pa rin siya nagtatanong tungkol sa amin ni Qino. Lalo tuloy akong kinakabahan! Imposible namang nakalimutan na niya? O Baka kumukuha lang siya ng magandang pagkakataon? Siguro ay ayaw niyang magtanong-tanong dito sa harapan ng pagkain?
Hanggang sa matapos kaming kumain ay walang naging katanungan sa amin si Dada. Matutuwa na sana ako dahil mukhang n
