"So, it was really your idea, Kuya Lucas?" Hindi maiwasang lakipan ni Fiona ng inis ang kanyang tinig habang kausap niya ang kanyang nakatatandang kapatid.
Naalala niyang binanggit sa kanya ni Randall na suhestiyon ng kanyang Kuya Lucas na ilayo muna siya sa kanilang lugar upang mailayo rin siya sa mga taong nasa likod ng muntikan nang pagkakadukot sa kanya.
Ngayon nga ay inalam niya kung totoo nga ba iyon. Tinawagan niya ang kanyang kapatid upang kumustahin ang mga ito at itanong na rin ang tungkol sa bagay na iyon.
Maliban kasi sa may bodyguard naman siya sa katauhan ni Randall ay nasisiguro naman niya na hindi siya pababayaan sa Manila ng kanilang Uncle Ronniel. Sa sobrang lapit nito sa pamilya nila ay pamangkin na rin naman ang turing sa kanila nina Ronniel at Arianna, anak pa nga k
