Dahil sa mga nagdaang araw na palagi akong nagigising nang maaga ay tila nasasanay na ang katawan ko sa ganung gawain. Madaling araw palang ay nagising na ako. Bumangon na ako para kumuha nang maiinom sa kusina. Pagbalik ko sa kwarto ko ay may dala na akong hot chocolate at cake na gawa ni Ada kahapon. Naupo ako sa kama ko at saka ko kinuha sa maliit na table ang libro na binigay ni Clement. Ang black book. Oras na para kilalanin ang mga kalaban.
Tinignan ko ang libro. Itim ito at wala manlang title. Ang weird, siguro ay sinadya itong hindi lagyan ng title para di pag interesan ng kung sino man ang makakakita nito. Saka sigurado akong itinatago ito nila Clement. Amoy dahon ang libro, pero malinis na malinis 'yun at kahit mansya ay wala kang makikita. Dahil doon ay iningatan kong 'wag madu
