Madaling araw palang ay bumangon na ako. Hindi muna ako lumabas sa kwarto ko. Nagbatak muna ako ng mga buto ko para ready ako. Para smooth nalang ang mga galawan ko mamaya. Aminado akong kinakabahan ako dahil kay Frodo. Siya ang inaasahan kong pinakamalakas sa lahat ng flower squad ko. Hindi ko nga maisip kung paano ko siya tatalunin o mapapatumba gayung alam kong malakas siya at nagiging higanting bato pa siya. Nakakatakot.
"Goodmorning," bati sa akin ng pamilya ko pag punta ko sa hardin namin. Nagulat pa ako kay Clement na maaga rin na nandoon. Hindi niya ako sinalubong ng masaya na mukha kaya nag-taka na ako.
"Ang aga mo ah?" tanong ko. Nginitian niya ako, pero pilit lang. Pakiramdam ko ay may problema talaga siya.
"Sinugod ang bahay namin ng mga black witch," sabi niya bigla na kina
