Padabog akong sumama sa kanya papasok sa loob ng mansyon. Nakangiwi ako dahil gusto kong pumunta ulit sa palengke para lang maiwasan sila. Sinalubong kami nila Ayana at Guzman.
"Nasaan ang ice cream ko, Ate?" tanong agad ni Guzman.
"Nasa supot, kunin mo nalang sa ate Ayana mo," sagot ko.
"Thank you po," sagot niya.
"Ang tagal niyo! Kanina pa rito sina Clement at 'yung babaeng kasama niya," salubong sa amin ni Ayana. Tinulungan niya kaming magbuhat ng pinamili namin ni Ada.
"Ang dami kasing tao sa bayan e," palusot kong sagot.
"Madami? Sa pagkakaalam ko ay hindi dumadami ang tao sa bayan? Ang unti kaya ng mga nakatira sa Chestara kaya imposibleng dumami ang mamimili doon," sagot ni Ayana na kinainis ko. Sabagay, tama nga naman siya. Bakit ba kasi 'yun ang dinahinalan ko at bakit pat
