Lhevyrose
“Daddy, sige na! I want macapuno!”
“Sweetheart, hindi marunong si Daddy umakyat d’yan. Ang taas niyan,” sagot ni Charlie sa bunso naming anak na tila maiiyak na habang nakatingala sila sa isang puno ng macapuno na hitik sa bunga.
Naririto kami ngayon sa likod-bahay habang hinihintay namin si Nanay at si Tatay na ayon kay Kuya ay nasa bukirin.
Kung dati-rati ay halos kubo lang ang aming bahay, ngayon ay sementado na ang lahat.
Binili rin ni Charlie ang ilang ektaryang lupa na kinasasakupan ng aming bahay, na maaaring pagyamanin ng pamilya ko. Malawak na bukirin din ang binili niya, at ngayon nga ay pinamamahalaan na nila Nanay at Tatay.
Kahit ayaw tanggapin ni Tatay ang lahat ng ito dahil mayroon siyang sariling prinsipyo, wala rin siyang nagawa nang magpumilit si Charlie. B
