Mabilis akong napatayo at kumalas mula sa pagkakayakap sa akin ni Charles. Pumasok na rin sa loob si Jennifer kahit hindi siya binigyan ng permiso.
"S-Sorry, Sir. H-Hindi ko po sinasadya," paghingi ko ng paumanhin sa kanya habang nakayuko.
Sobrang lakas ng kabog ng dibdib ko at tila sasabog sa sobrang init ng mga pisngi ko! Nakakahiya talaga, at ang masaklap pa ay nakita kami ni Jennifer sa ganoong posisyon! Siguradong iba na ang tumatakbo sa isip niya ngayon!
"What are you doing here? I didn't call you."
Muli akong napatingala at tumingin kay Charles, pero ngayon ay kay Jennifer siya nakatingin.
"Ah, gano'n ba? Napadaan lang ako dito dahil hinahanap na ni aling Tess si April. Akala ko paaalisin mo na siya dito. Mukhang nagkamali ako." Napalingon ako kay Jennifer dahil sa matapang niy
