MADILIM NA nang matapos ang klase ni Reena. Hanggang sa mga oras na iyon ay binabagabag pa rin siya ng sinabi ni Lexus. Ayaw man niyang aminin pero hindi niya mawari ang kabang nararamdaman niya habang iniisip na lalabas silang dalawa. Kinuha niya ang cellphone at saka tiningnan kung may text man lang si Lexus. Hindi pa kasi ito tumatawag.
"May umaasa. Nangtritrip lang iyon."
Nilingon ni Reena ang kaibigan na seryoso lang habang naglalakad. "Parang wala naman sa ugali ni Lexus ang mang-trip," depensa ni Reena sa lalake.
"Ay, wala pala?" sarkastikong sabi ni Maze. "Saka, teka nga lang. Ano bang meron sa inyo ni Lexus?"
"H-ha? Anong meron?"
Tumigil sa paglalakad si Maze at saka tiningnan sa mga mata ang kaibigan. "Nililigawan ka ba niya?" seryoso pa ring tanong nito.
"What?! No!" agad
