Rejected
KAMILA
“Anong nangyari diyan sa ilong mo, Kamila?” puna ni mommy at napahawak naman ako sa ilong ko na kumirot nang hawakan ko.
Kagagawan ‘to ng cellphone ko na lumanding sa perpekto kong ilong na matangos. Ang sakit at hindi na nga ako nagtaka nang makitang naging makopa ang kulay ngayong umaga.
Pero kahit na masakit ‘to ngumiti ako at hindi ito iniinda. Maganda na ang mood ko. Sinong hindi, na-heart react ng crush ko ang photo ko. Hindi ko na rin siya chinat at baka sirain niya na naman ang pantasya kong kaya siya nag-heart ay dahil gandang-ganda siya sa picture ko.
“Hulaan ko, nabagsakan ‘yan ng phone?” pang-aasar ni Ate pero dahil nga masaya ako ngayon ay nakangiting tumango lang ako.
“Wow, at mukhang masaya pa siya, mommy,” pagtawa ni Ate. Wala si daddy at maaga ra
