Transferee
KAMILA
Napapangiwing nilagyan ko ng band-aid ang daliri ko matapos na malinis iyon at masigurong tuyo na, pagkatapos ay binalingan ko ang animo gustong isumpang gitara na nasa harap ko. Parang ang dali lang noong una na magpaturo ako kay daddy pero nang ako na ang mismong magturo sa sarili ko, para sa isang verse pa lang ng kantang pinili ko, nagkandapaltos na ‘tong daliri ko.
“Goodluck…”
Pero nang maalala ang salitang ‘yon mula kay Theo ay nakangiting dinampot ko muli ang gitara at nilagay sa case no’n. Tatlong araw na akong nagpa-praktis at medyo tingin ko naman nagagamay ko na. Onting push pa. Pwede ko ‘tong dalin ngayon dahil naka-maternity leave iyong isa naming teacher at kayang-kaya ko naman tapusin ng mabilisan ang iiwang module ng assistant niya.
“Morning, mommy,
