Pupunta
KAMILA
“Sinasabi ko sa ‘yo, anak, kahit na hinahatid pa kita mismo dito. Know your limitation, bawal holding hands, bawal ang kiss–”
“Bawal ang hugs. Daddy, kanina mo pa po ‘yan inuulit,” natatawa kong saad siyempre hindi ako pwedeng magtaray dahil baka ibalik ako ni daddy sa bahay.
Ngumanga siya nang subuan ko siya ng fries dahil nagpa-drive thru pa ako sa kanya nang madaanan namin ang paborito kong fast-food chain. Linggo ngayon at may duty pa rin si daddy kaya naman imbes na mag-commute papunta sa village nila Theo, sumabay na ako sa kanya.
Siyempre noong una sinabi kong kina Mavy ang punta ko pero matandain ang daddy ko at nabuko agad ang katotohanan sa pag-alis ko ngayon lalo na’t nakita niya pa ang dala-dala kong paso ng halaman at chocolates.
My dad is a cool father.
