(A kiss of million happiness)
NATAPOS ang dinner na pinagsaluhan nila na walang nangyaring usapan. Ang ingay ng kutsara at tinidor ang tanging maririnig dahil parehong tikom ang kanilang bibig. Sa tuwing magtatagpo ang mga mata niya ay may kaakibat na kislap ang mga iyon na silang dalawa lamang ang nakakaalam. Tila lihim na nangungusap ang kanilang mga isip habang patuloy na kumakain sa terrace na nasisilawan ng liwanag ng buwan.
“Ibinilin raw ni Fortney na gamitin mo ito,” ani ni Lorcan kasabay ng pag-abot sa kanya ng damit na hawak. Kasalukuyan na silang nasa loob ng silid ng kambal na mahimbing pa ring natutulog.
“Salamat,” tugon ni Arwa na natigilan nang hindi inaasahang magdikit ang kanilang mga daliri. “Si-sige, magpapalit na muna ako.” Inilang hakbang niya ang daan patungo sa b
