(Just like a family)
NAKAUPO si Arwa sa damuhan kung saan isang dangkal lang ang pagitan niya sa tubig ng batis. Naiwan siya roon nang umiyak ang kambal na agad na dinaluhan ng mag-asawa samantalang may importanteng tawag si Lorcan. Pinagmasdan niyang mabuti ang buong kapaligiran. Tila bigla na lang nawala ang lungkot na nasa kanyang dibdib. Marahil dahil bago sa mga mata niya ang nakikita.
Sa buhay niyang laging kasama ang ama ay tunay na walang hindi bagay ang naibigay nito sa kanya subalit iba rin pala ang maibibigay na saya ng mga bagong kaibigan. Nakaka-excite at the same time nakakatuwa. Isang bagong pangyayari na inakala niyang hindi na niya mararanasan pa.
“Bored?”
Nasa tabi na pala niya si Garette ng hindi niya namalayan. Itinukod nito ang dalawang kamay sa maberde at pinong
