(Melted by your voice)
SINIKAP niyang maging normal sa harap ng lalaki. Kanina pa siya nakaupo sa harapan nito ngunit hindi man lang nagsasalita. Pagkatapos niyang lumabas ng banyo kanina ay dumiretso muna siya sa kanyang silid upang suriing mabuti ang kabuuan ng kanyang mukha. Mahirap na at baka may mahalata sa kanya ang amo. Kailangan niyang ipakita na walang nangyari noong isang gabi. Ayaw na niyang madagdagan pa ang dahilan ng hindi pagdalaw ng antok sa kanya.
“Sir, ano po ba ang nais ninyong sabihin?” Hawak nito ang isang libro at doon tutok na tutok sa pagbabasa. “M-may gagawin pa po kasi ako, e.” Nakatungo siya habang magkasalikop ang dalawang kamay.
“Just stay,” anito. “Hindi ka aalis hangga’t hindi ko sinasabi.” Kasing-tigas ng bato ang boses nito. Wala naman siyang natatandaa
