(A memorable experience)
NAGKANDABUHUL-BUHOL ang paghinga ni Arwa habang nasa loob ng banyo. Ilang minuto na siyang nagkulong doon sa takot na muling makaharap si Lorcan na iniwan niya na kumakain sa hapag-kainan. Pinangatawanan na niya ang pagiging maid subalit nasira lang iyon nang tanungin siya tungkol sa kanyang ginawang pagtawag.
Ano ba kasi ang dapat kong isagot? Gusto ko lang naman malaman kung uuwi siya noong oras na iyon dahil hindi ako makatulog hangga’t hindi pa siya dumadating. Dapat sinabi ko na lang para hindi na ako nagtatago ngayon sa banyo!
Hindi pwede. Mahirap na masimulan niya ang magsalita. Baka kung ano pa ang masabi niya. Baka hindi niya mapigilan ang sarili lalo pa hindi naging madali para sa kanya na kalimutan ang nangyari sa pagitan nilang dalawa.
Kung tutuusi
