(A fresh feeling)
HINAYAAN ni Lorcan na makapagpahinga si Arwa sa silid nito. Kahit kailan ay hindi niya gusto na may nakikitang umiiyak. Maging lalaki man o babae. Kung si Garette nga na halos bumaha na sa kakaiyak noong nagkahiwalay sila ni Fortney ay inalo niya. Hindi dahil isang kaibigan kung hindi isang tao na maaaring sandalan sa mga ganoon sitwasyon. Kakaiba nga lang kay Arwa dahil hindi niya man alam ang dahilan ng pag-iyak nito ay alam niyang malalim ang pinaghuhugutan nito. Ramdam niya ang sakit ng pagluha nito.
“Bro, napatawag ka?” Si Garette ang nasa kabilang linya.
“Garette, pwede ko bang makausap si Fortney?” Palakad-lakad siya sala.
“Pwede naman. Para saan ba?”
“May itatanong lang ako.”
“Ang hot mo naman! Nagtatanong lang naman ako sa iyo. Kailangan alam ko ang pag-uu
