(The confrontation)
“LET’S talk.” Maawtoridad na utos ni Mrs. Monteverde.
Tapos na sa lahat ng gawaing bahay si Arwa at naghahanda na sa kanyang online meeting nang bigla tumunog ang doorbell. Hindi siya agad nakapagsalita. Alam niyang hindi naging maganda ang huling pag-uusap nito ni Lorcan kaya tiyak na hindi rin maganda ang mood ng ginang.
Agad itong naupo sa mahabang sofa. Sinuyod ang paligid na tila ba may hinahanap. “Maupo ka. Hindi naman kita pinagbabawalan,” anito na hindi siya tinitingnan.
Nakatungo lamang siya habang hinihintay ang nais nitong sabihin. Wala siyang makapa sa dibdib kung hindi takot at kaba. Kaharap lang naman niya ang ina ng kanyang nobyo. Daig pa niya ang umaakyat ng ligaw sa tindi ng kabang nararamdaman.
“Hindi na ako magpapaliguy-ligoy pa, Arwa. Gusto kon
