(The offer)
PASIPOL-sipol si Lorcan habang tahimik na sinisimsim ang kanyang kape. Nasa opisina na siya ngayon at sinalubong agad siya ng napakaraming papeles sa kanyang mesa. “I need an assistant”. Maaga siya umalis ng bahay dahil iyon ang nais ni Arwa. Kailangan niya raw mag-focus sa trabaho para sa kanilang magiging future. Bigla siyang nangiti. Parang gusto niya na lang na magsulat ng kwento tungkol sa kanilang hinaharap. Magpatulong kaya sia kay Liberty? Kapag future nila ni Arwa ang pinag-uusapan ay lalo siyang ginaganahan. A future with her is like living in a paradise. Gusto niya lagi itong kasama kahit saan man siya magpunta. Kung pwede nga lang na ilagay niya ito sa kanyang bulsa bakit hindi niya gagawin?
Napatitig siya sa laman ng tasa. Mukha pa rin nito ang kanyang nakikita.
