(You’re mine)
MAHIGPIT na yakap ang nagpagising sa kanya. Pagkatapos niyang patuyuin ang basang buhok ay nahiga siya sa kama. Pakiramdam niya ay pagod na pagod siya sa maghapon. Idagdag pa ang naging confrontation nila ni Mrs. Monteverde. Nahimbing siya agad sa pagtulog sa isiping pauwi na si Lorcan. Makakasama na niya ulit ito. Kailangan niya ito sa kanyang tabi ngayon.
Kinintalan siya nito ng halik sa buhok ng paulit-ulit. Bigla niyang na-miss ang nobyo kahit na ilang oras lamang itong nawalay sa piling niya. Napapikit siya nang ilubog nito ang mukha sa kanyang leeg. Parang gusto na naman niyang maiyak ngunit ayaw niyang masaksihan iyon ni Lorcan.
“How’s your day? Baka mapagalitan ka na dahil undertime ka sa trabaho,” aniya habang nakapikit.
“I’m the boss, walang magagalit sa akin.
