"JUST close your eyes..." usal ni Caleb.
Mariing napapikit si Erin nang maramdaman niyang tumama sa kaniyang mukha ang mainit na hininga ni Caleb. Ramdam na ramdam niyang napakalapit lang nito sa kaniya. Kaya ang buong akala niya ay hahalikan talaga siya nito.
Ngunit pagkalipas ng ilang sandali, imbes malalambot na mga labi, malalambot na daliri ni Caleb ang naramdaman niyang dumapo sa ilalim ng mga mata niya. Parang may ibinulong ito pero hindi niya narinig dahil sa sobrang hina. Naulinigan lang niya.
Kung hindi lang siya nababaliw, iisipin ni Erin na "I love you" iyon.
Gutom na siya kaya baka nasisira na naman ang pandinig niya.
Dahil bakit naman iyon sasabihin ni Caleb sa kaniya?
"May fallen eyelashes ka. Apat pa," anito habang kinukuha ang sinasabi nitong mga pilik-mata. Ni hin
