"DIYAN tayo kakain?" tanong ni Erin kay Caleb nang pumarada ang kotse nito sa isang native restaurant pero mukhang mamahalin. Base na rin sa disenyo nito at sa mga mamahaling sasakyan na nakaparada sa parking lot.
"Bahay Kubo" ang karatulang nabasa ni Erin sa tapat ng two-stories na may matibay na concrete base. Napakaganda ng upper floor niyon na yari sa cool amakan woven bamboo walls. At lalong tumingkad ang pagiging native ng lugar dahil sa statue ng kalabaw na naka-display sa harap ng restaurant. Sa paligid ng kalabaw ay may disenyo ng iba't ibang gulay na makikita sa kantang "Bahay Kubo".
"Oo. Masasarap ang pagkain diyan," kapagkuwan ay sagot ni Caleb at tinanggal ang seatbelt na nakakabit sa katawan nito. "Hindi ako mapapahiya sa'yo."
Napangiti lang si Erin. Pero mayamaya lang a
