NAPANSIN ni Erin na simula nang mangyari ang pag-aaway nila Caleb at Vaughn ay ilang araw na itong hindi pumapasok. At nag-aalala na siya. Ilang araw na lang din kasi at final exam na. Worried ang dalaga na baka hindi ito makapasa sa first semester ng school year na iyon.
"Wala nang balak si Caleb na ituloy ang pag-aaral niya, Erin. Nag-away sila ng daddy niya at naglayas siya sa kanila," pagkukuwento ni Kristoff nang minsan niya itong tanungin kung bakit hindi na pumapasok si Caleb.
"Ha? Pero malapit nang matapos ang first sem. Sayang naman kung hihinto pa siya," malungkot na saad ni Erin. "Baka puwede mo siyang i-convince, Toff?"
Bumuntong-hininga ang best friend ni Caleb. "Ilang beses na namin iyong ginawa. Pero ayaw talaga niya. Sa tingin ko, ikaw lang ang makakagawa niy
