"ANONG ang plano mo ngayon? Itutuloy mo na ba ang pagpapanggap mo bilang si Belinda?" tanong ni Thesa ang matalik kong kaibigan ng college.
Nagulat ako nang bigla siyang dumalaw. Mabuti na lang at hindi niya kami naabutan ni Rafael sa pool. Gumawa pa naman kami ng milagro sa pool kanina.
Bumuntong-hininga ako. "Sa tingin mo dapat ko bang ituloy 'to?"
Tinaasan niya ako ng kilay. "Gaga! Tanong ko sa iyo tanong mo rin sa akin."
"Hindi ko kasi alam ang gagawin ko." Hindi ako nakatiis. Nagsindi ako ng isang stick na sigarilyo. Madalas kong gawin ito lalo na kapag stress ako.
"Alam mo ang gagawin mo. Alam kong bago ka pumasok sa gulo na 'yan alam mo na ang mangyayari."
Hinithit ko ang stick ng yosi ko saka muling tumingin kay Thesa. "May masasaktan ako."
"Sino?"
"Si Steven. Naikuwento ko
