"WALANG-HIYA talaga! Ang Mommy mo!" Namumula sa galit ang Mommy ni Steven, matapos kong sabihin sa kanila ang problema ko sa bahay. Sinabi ko na rin ang pagpapanggap ko bilang si Belinda sa Mommy ni Steven.
Hinawakan ni Steven ang balikat ng Mommy niya. Nakalabas na siya sa hospital ngunit naka-wheelchair pa siya habang tini-therapy ang mga paa niya.
"Relax ka lang Mom, baka tumaas ang blood pressure mo," sabi ni Steven.
"Sabi ko naman po sa iyo 'wag n'yo ng alamin ang problema ko. Na-stress tuloy po kayo," sagot ko.
Dumalaw ako sa kanila upang makapag-relax pero mukhang nakadagdag ako ng stress nilang lahat.
"Pasalamat 'yan Mommy mo at pilay ako ngayon dahil kung hindi baka sinugod ko na siya at binigyan ng buong pamilya sampal at sisipain ko pa 'yan. Kung kailan tumanda saka pumur
