SAMANTALA...
Nasa mansyon si Donya Minda, nag-aalala sa kanyang apo na si Shine. Hindi niya alam ang gagawin niya kung sakaling malaman ni Russel ang katotohanan. Bukod sa kanya ay alam din ng katulong niya na si Guada at ang kanyang driver ang tungkol sa nakaraan ni Shine. Ngunit inilihim nila ito dahil alam nilang malaking gulo ito kung sakali. Lalo na kapag nalaman ni Gwen ang tungkol sa ugnayan nina Russel at Shine.
Tiyak magagalit ito, at mauulit na naman ang mga nangyari noon sa kanilang pamilya. Ang inosente niyang apo na si Shine ay madadamay na naman sa isang gulo.
"Hindi raw ho makakaluwas ng probinsya si Sir Roman," sabi ni Guada habang palapit ito sa kinaroroonan niya.
Nasa veranda siya at nakaupo sa tumba-tumba. Hawak niya ang ibabaw ng kanyang dibdib. Nahihirapan na nama
