INIHINTO ni Henry ang kaniyang kotse sa isang mansion sampung kilometro ang layo sa mansion nina Shine. Ito ang hacienda ng mga Sebastian.
Minabuti niyang dalawin ang kaniyang Tito Philip bago siya lumuwas ng bayan. Naisipan niyang manatili muna rito sa probinsya habang sinusuyo niya si Shine. At lahat gagawin niya mahalin lamang muli siya nito.
Bumusina siya ng tatlong beses hanggang sa lumabas ang isang kasambahay. Ibinaba niya ang wind shield ng bintana ng kotse niya at naghintay na lapitan siya nito. Naka-apron pa ito, marahil nagluluto ito nang mga oras na iyon.
"Sino ho sila?" malakas na tanong nito nang makalapit. Hindi pa siya nito pinagbuksan ng gate. Bumababa siya sa kotse niya at linapitan ito.
"Magandang hapon ho. Nariyan po ba si Tito Philip? Ako ho si Henry Guanzon, pama
