"Pati ba naman si Adam ay pinatulan mo at hindi mo na pinalampas pa?" Naaaliw na tanong sa kaniya ni Apollo nang maisara ni Adam ang pinto sa may veranda.
"Bakit naman hindi ko siya papatulan kung ganoon naman siya kabastos at—" natigil siya sa pagsasalita niya nang makita niya na nakangiti lang si Apollo habang hindi kumukurap ang mga mata na nakatitig lang sa kaniyang mga labi. Nagpasalamat siya dahil may kadiliman ang bahaging iyon kaya hindi makikita ni Apollo ang pamumula ng kaniyang pisngi.
"Maupo ka nga muna rito, mag-usap tayo." Tinuro nito ang bakanteng upuan sa tabi nito.
Mag-uusap? Hindi pa ba pag-uusap ang ginagawa nilang ito? Kanina pa sila nito nag-uusap na nauwi nga lang sa parusa nitong wala namang basehan.
"Huwag na, nasabi ko na ang mga gusto kong sabihin." Tinalikura
