"Bakit bumalik ka pa?" Nakairap na salubong sa kaniya ni Sabrina nang makita siya nitong pumasok sa gate ng mga ito. Ito pa talaga ang nagbukas ng gate nang magbusina siya ng sasakyan niya sa labas.
"Tiningnan ko lang naman kung ma-miss mo ba ako sa ilang araw na hindi tayo nagkita." Natatawang biro niya sa dalaga. Binibiro lang naman niya ito palagi pero ewan ba niya kung bakit ang bilis nitong magalit sa kaniya. Ganito rin naman siya kung magbiro sa mga pinsan niya pero hindi naman sila nagagalit kagaya kung paanong nagagalit sa kaniya si Sabrina.
Pero 'yong halik at ang lasa ng labi nito? Siyempre, seryoso na 'yon at hindi na siya nagbibiro pa sa bagay na 'yon. Lumapad pa ang pagkakangiti niya habang inaalala niya kung paano niya itong nahalikan.
"May nakakatawa ba sa sinabi mo? Ya
